1. 我唔明有咩定唔定位問題，合約寫咩就寫咩，鋪頭有開租有交就得啦。租左出去，無違反合約，幹事會就唔好教人做生意啦。
2. 所以最大問題係經常欠租，呢個唔係上年六月起嘅問題了。如果係交唔到租解約，完全合理。但係在情在理，係2020年話要加租真係商業奇才、公關高手！
3. 當學苑問究竟個鋪位係「學生會收入來源，抑或有向同學提供福利」，幹事會答「一方面，幹事會與租戶合作為同學提供福利；另一方面，他們亦有責任確保商户營運符合合約條款」。明明問緊係錢定「福利」，突然間答咩要「符合合約條款」，即係講緊交租囉。呢度個問題就有意思啦，就變成「福利」同「租金」對立嘅問題啦。
但係究竟咩係「福利」？根據本人多年來嘅campaign 經驗，「福利」通常就係指D咩折扣優惠呀，派welfare pack呀，有D會員可以享用嘅服務呀 － 但係「福利」，英文係Welfare，從來無聽過有人當成「福址」咁去理解。咁樣個問題就釐清啦 － 究竟點樣用個鋪位先最能夠「增進同學福祉」？貴租出去收錢（Starbucks）、平租出去支持社企（UDeli）、方便同學夜深都有得食下野（USweet）、自己營運合作社（Coop store）、俾同學團體使用（其他union 管理嘅房間），重有好多其他用途法。呢個先係幹事會最需要交代，同學最應該關心嘅問題。
4. 最後，今年大家都好關心政府預算案，希望以後大家都可以關心下Union 嘅預算案。
—————–
新聞連結：
學苑：U-Sweet 與幹事會就店舖定位有分歧 雙方或不再續約
U-Sweet 回應學苑報導
圖片來源：Cedars