第一：係未有得到用家同意嘅情況之下，擅自利用得到嘅OTP去登入佢哋嘅telegram account。
由於佢冇明示自己會登入用家嘅telegram account，佢咁樣做同偷account有乜嘢分別呢？
第二：係未有得到用家同意情況之下，擅自去開一個telegram account。
呢一個情況，就有如你畀曬所有個人資料佢之後，佢去銀行幫你一個開一個戶口。
第三：佢並非隸屬telegram，卻問你索取telegram嘅登入資料。
其實，早起網上銀行開始普及嘅時候，有好多假冒銀行嘅網站。 騙徒會先做一個同銀行近似嘅網頁，然後再註冊一個同銀行名稱相似嘅Domain Name；例如 H5BC . com . hk。然後再郵寄呢個假嘅網址畀大家，要大家登入進行驗證。
IT界為咗防止呢啲釣魚式嘅攻擊， 一直都主張要用家提高警覺；例如輸入密碼前，先核對一下網址有冇異樣。
現時Google會喺大家進入疑似釣魚式攻擊嘅網站前，出示警告嘅畫面，以防範呢一類型嘅攻擊；但係我哋仍然需要大家有一定的警惕，特別喺唔好透露密碼予第三方。
OAuth及OpenID connect等技術嘅誕生，就係為咗令大家有一個既方便又安全嘅登入方法，而同時又唔會降低大家對身份保護嘅警惕。
如今，Popvote卻倒逆施行。喺用家唔知情嘅情況之下，誘導用家輸入資料，以進行telegram嘅登入以及登記戶口嘅操作。 此舉實屬有違專業操守。
要得到人哋嘅尊重，就要先尊重人哋。技術叻唔係大曬，要成為公眾認同嘅專業人士，就應該先提高自己嘅專業操守。
