有讀者向本報報料，話唔知係咪因為考試季節少左人幫襯，最近呢個禮拜發現到二村山景餐廳有啲新搞作。
一：唔知食咩好？「求其、是但」啦！
考試季節忙到唔知食咩好，「求其、是但」啦！快餐C「求其、是但」學生價三十四蚊，而快餐G「您話事」就貴D，要三十八蚊。至於呢兩個係食咩，同學就話無食過，唔清楚喇。
二：食飯換購面膜
可能知道大家通頂寫essay，個樣易殘，所以叫完嘢食，可以用優惠價換購韓國面膜一塊。無敷開面膜，都可以用換購呢個「香港風景巧克力」（唔知係咩……手信掛…….）。
三、儲印仔送下午茶
儲齊可愛印仔12個（Ya! ）就可以換早餐或下午茶一份。真係未見過食canteen 都有得儲積分…….
（相片由讀者提供）
