【速報午夜短評】
1.頭先食飯嘅時候咁啱聽咗兩分鐘，正好有位評議員（女）話佢個Hall「回應率」得「83份」，我仲笑話83份唔係應該係U Hall 嘅數字咩？
當你見到個個圈都就嚟爆咁滯，以為群情洶湧之際，原來好多回應率都唔過半，部份仲少過20%。報道入面仲有人話自己住hall都冇收過份問卷。雖然多得學苑咁詳細嘅報道，但係呢幅圖都真係可以入選年度「misuse of statistics」大獎。
2. 另外又見校園電視報道，UAS 黃同學表示，自己係候選幹事嘅時候冇「身位」做「廣泛民意調查」。做民意調查都要講「身位」？
3. 同篇報道下面仲提到，黃同學表示有就疫苗政策向校方表達不滿，「惟校方早已落實政策，且舍堂亦有讓步」，所以「學生會立場亦只能退讓」。
嘩，咁係咪可以理解為以下一或多個情況：
1. 學生會無能力準確掌握學生意見
2. 學生被逼退讓係因為舍堂已經讓步
3. 校方既定政策學生會亦只能讓步
好尷尬喎，就算係，都唔好咁講好嘛？
七月三日補充：常刊裏面又係呢隻「圈圈graph」，又係misuse of statistics。
