Wednesday, September 18, 2019

去Exchange

【去Exchange】波恩散記(二)— 行山

德國人熱愛大自然都算係人所皆知。全國最少有八萬幾條行山徑,對鐘意行山嘅人嚟講真係一個福音。而係我住嘅城市附近,就正正喺德國其中一個出名嘅山脈-Siebengebirge(中文直譯:七嶽;英文譯名:Seven Mountains)。嗰一帶有成三十條以上嘅行山路線,耐唔時先行一次嘅話,真係行到下年返香港都未行完。

【去Exchange】波恩散記(四)— 聖誕市集

德國嘅聖誕市集同香港嘅年宵花市都有少少類似,都係喺大時大節嗰時俾大家行下玩下,但相對德國呢面嘅開檔時期就長好多。通常嚟講城市嘅市集檔期就會由將臨期第一個主日(Erster Advent)前嘅星期五,又或者會係再早一個星期五開,到十二月廿二號或者廿三號先完;小鎮就短啲,大部分都只係開一到兩個禮拜嘅時間,但都係會長過香港嘅年宵嘅。

【去Exchange】波恩散記(五)-熊仔糖

德國係一個vegetarian-friendly嘅國家。餐廳食肆大多數都有提供素食嘅餸菜俾客人,而且仿肉產品嘅水準非常之高。Schnitzel(炸豬扒)、Frikadelle(肉丸/肉扒)等嘅素食仿肉並唔難喺超市揾到,價錢亦都唔貴。我記得local buddy有次同我講過話,其實佢都有好多朋友想轉食素,但喺德國腸始終都係太大誘惑啦。

Exchange 手記──名古屋大學大小事之一

名大對於教學上嘅取態相當自由,上教授堂學嘅基本上就係學佢嘅研究領域,例如小弟上嘅日本近代史料學,學嘅就係教授嘅專精近代石碑。當然,呢度嘅學生都有必修課要上,就小弟所知,英文同體育係一定要讀嘅科,sosad。另外,呢度嘅教授通常甚少會提assessment method,多數都會係deadline前一個月先會開始提,俾著係Kong U學生可能上完第一堂就已經drop Q左佢,不過呢度D學生似乎都已經習以為常。

Exchange 手記──名古屋大學大小事之二

相比起港大幾百人嘅屬會搞個活動可能小貓三四隻都無,(welfare week除外)名大部活嘅出席率絕對遠遠優勝。所有會員都屬於一個Line Group入面,邊日有事做嚟唔到都要事前講定。而雖然逢星期一同六都有部活,但無一次出席率會低過75%,甩底更加係未發生過。